தாவரத் திசு வளர்ப்பு - பாடக் குறிப்புகள்
பாடச் சுருக்கம்
தாவரப் புரோட்டோபிளாஸ்ட்கள், செல்கள், திசுக்கள் அல்லது உறுப்புகளை அவற்றின் இயல்பான சூழலிலிருந்து பிரித்தெடுத்து செயற்கையான சூழ்நிலையில் வளர்த்தல் திசு வளர்ப்பு; இது in vitro (கண்ணாடி / சோதனைக் குழாயினுள்) வளர்ப்பு எனப்படும். ஒரு பிரிகூறு குறுகிய காலத்தில் பல்லாயிரக்கணக்கான தாவரங்களாகப் பெருகுகிறது. வணிக உற்பத்தி, மரபணு மாற்றப்பட்ட தாவர மீளுருவாக்கம், உயர்தர தாவரப் பெருக்கம், வைரஸ் அற்ற தாவரங்கள், மரபணுவளக்கூறு பாதுகாத்தல், இரண்டாம் நிலை வளர்சிதை மாற்றப் பொருள் உற்பத்தி ஆகியவற்றுக்குப் பயன்படுகிறது.
5.1 அடிப்படைக் கொள்கைகள்
- காட்லிப் ஹேபர்லேண்ட் (1902): ஜெர்மனி தாவரவியலார்; முழு ஆக்குத்திறன் கருத்து; Lamium purpureum இலையிடைத் திசு செல்களை முதலில் வளர்த்தார்; தாவரத் திசு வளர்ப்பின் தந்தை.
- முழு ஆக்குத்திறன்: உயிருள்ள தாவரச் செல் ஊட்ட ஊடகத்தில் முழுத் தாவரமாக வளரும் பண்பு.
- வேறுபாடுறுதல்: செல்கள் உயிரிவேதிய, அமைப்பிய மாற்றங்களால் சிறப்பு அமைப்பும் பணியும் பெறுதல்.
- மறுவேறுபாடுறுதல்: வேறுபாடுற்ற செல் மேலும் வேறுபாடுறுதல்; எ.கா. கேலஸ் செல்கள் முழுத் தாவரமாதல்.
- வேறுபாடிழத்தல்: முதிர்ந்த செல்கள் ஆக்குத்திசுவாக மாறி கேலஸ் உருவாதல்.
- பிரிகூறு: புதிய தாவரம் உருவாக்க வளர்ப்பு ஊடகத்தில் வைக்கப்படும் தாவரத் திசு.
5.2 தொழில்நுட்பம்
| படி | முக்கியக் குறிப்புகள் |
|---|---|
| ஆய்வகம் | கழுவும் வசதி, அடுப்பு; தன்னழுத்தக் கலன், pH மீட்டர்; சீரடுக்கு காற்று பாய்வு அமைப்பு, HEPA வடிகட்டி; வளர்ப்பு அறை. |
| நுண்ணுயிர் நீக்கம் | தன்னழுத்தக்கலனில் 15 psi (121°C) 15-30 நிமிடங்கள்; அறைக்கு 2% சோடியம் ஹைப்போகுளோரைட் அல்லது 95% எத்தனால்; புறஊதாக் கதிர் 15 நிமிடம்; வைட்டமின்கள், ஹார்மோன்கள் மில்லிபோர் வடிகட்டி வழியாக; பிரிகூறுக்கு 0.1% மெர்குரிக் குளோரைடு, 70% ஆல்கஹால். |
| ஊடகம் | MS (முராஷிகி மற்றும் ஸ்கூஜ் 1962); B5 (1968), ஒயிட் (1943), நிட்ச் (1969); கடல் பாசியிலிருந்து கிடைக்கும் அகார் திடப்படுத்துகிறது. |
| வளர்ப்பு சூழல் | pH 5.6-6.0; 25°C ± 2°C; குலுக்கி மூலம் காற்றோட்டம். |
| கேலஸ் தூண்டப்படுதல் | 1-2 செ.மீ பிரிகூறு, ஆக்சின் சேர்த்த MS ஊடகம்; 12 மணி ஒளி, 12 மணி இருள். |
| கருவுருவாக்கம் | கேலஸ் செல்கள் கருவுருக்களை உருவாக்குகின்றன; அவை நாற்றுருக்களாகின்றன. |
| வன்மையாக்குதல் | நாற்றுருக்களை ஈரப்பதமான அறையில் படிப்படியாக வெளிக்கொணர்தல். |
வளர்ப்பின் வகைகள்
- உறுப்பு வளர்ப்பு: கருக்கள், மகரந்தப் பை, சூலகப்பை, வேர்கள், தண்டு.
- ஆக்குத் திசு வளர்ப்பு: தாவர ஆக்குத் திசுவை வளர்த்தல்.
- புரோட்டோபிளாஸ்ட் வளர்ப்பு: செல் சுவரற்ற செல்; 0.5% மேசரோசைம், 2% ஒனோசுகா செல்லுலேஸ், 13% சார்பிட்டால்/மானிட்டால், pH 5.4; 25-30% PEG, Ca++ மூலம் இணைவு; ஃப்ளூரசின் டைஅசிட்டேட் சோதனை; 24-48 மணியில் செல் சுவர்; 2-7 நாட்களில் முதல் பகுப்பு; சைபிரிட், உடல் கலப்பினமாக்கல்.
- செல் மிதவை வளர்ப்பு: கேலஸை நீர்ம ஊடகத்தில் சுழற்சி கலக்கியில் வளர்த்தல்.
இரண்டாம் நிலை வளர்சிதை மாற்றப் பொருள்கள்
ஆல்கலாய்டுகள், ஃபிளேவினாய்டுகள், டெர்பினாய்டுகள், ஃபீனால் கூட்டுப் பொருள்கள், மறுகூட்டிணைவுப் புரதங்கள்; வளர்ச்சிக்குத் தேவையற்ற உபபொருள்கள். உயிரிகலன்களில் பெருமளவு உற்பத்தி; உயிரிநிலை மாற்றம், தூண்டல், முடக்க வளர்ப்பு உதவுகின்றன.
| பொருள் | தாவரம் | பயன் |
|---|---|---|
| டிஜாக்சின் | Digitalis purpurea | இதயத்திற்கு மருந்து |
| கோடின் | Papaver somniferum | வலி நிவாரணி |
| கேப்சைசின் | Capsicum annuum | வாதவலி |
| வின்கிரிஸ்டைன் | Catharanthus roseus | புற்றுநோய்க்கு எதிர்மருந்து |
| குவினைன் | Cinchona officinalis | மலேரியா எதிர்மருந்து |
5.3 மீளுருவாக்க வழித்தடம்
- உடல் கருவுருவாக்கம்: கேலஸிலிருந்து கருவுருக்கள்; Allium sativum, Hordeum vulgare, Oryza sativa, Zea mays-இல் கண்டறியப்பட்டுள்ளது; செயற்கை விதைகளுக்குப் பயன்.
- உறுப்புகள் உருவாக்கம்: தண்டுருவாக்கம், வேருருவாக்கம்; ஆக்சின், சைட்டோகைனின் தூண்டுகின்றன.
5.4 பயன்பாடுகள்
- உடல் கலப்பினங்கள்; செயற்கை விதைகள்; நோய் எதிர்ப்பு, களைக்கொல்லி மற்றும் வெப்பச் சகிப்புத் தாவரங்கள்; நுண்பெருக்கம்; இரண்டாம் நிலை வளர்சிதை மாற்றப் பொருள்கள்.
- உடல் நகல்சார் வேறுபாடு: சோதனை வளர்ப்பில் மீளுருவான தாவரங்களில் காணப்படும் வேறுபாடு. கேமீட்டக நகல்சார் வேறுபாடு: கேமீட்களிலிருந்து உருவாகும் தாவரங்களில்.
- நுண்பெருக்கம்: அன்னாசி, வாழை, ஸ்ட்ராபெர்ரி, உருளைக்கிழங்கில் ஒத்த மரபியல் தன்மை.
- செயற்கை விதைகள்: அகரோஸ், சோடியம் ஆல்ஜினேட் பூச்சு; குறைந்த செலவு, ஒத்த தாவரங்கள், உறைகுளிர்பாதுகாப்பில் சேமிப்பு, குறைந்த உறக்கக் காலம்.
- வைரஸ் அற்ற தாவரங்கள்: தண்டு நுனி ஆக்குத் திசு வளர்ப்பு.
5.5 பாதுகாத்தல்
- மரபணுவளக்கூறு பாதுகாத்தல்: மகரந்தம், விதைகள், திசுக்கள்; விதைவங்கி, மகரந்த வங்கி, மரபணு வங்கி, DNA வங்கி.
- உறைகுளிர்பாதுகாப்பு: திரவ நைட்ரஜனில் -196°C; டை மெத்தில் சல்ஃபாக்சைடு, கிளிசரால், சுக்ரோஸ் பாதுகாப்பான்கள்.
5.6 அறிவுசார் சொத்துரிமை
- காப்புரிமம், பதிப்புரிமம், வணிக முத்திரை, வணிக ரகசியம், வடிவமைப்பு, புவிசார் குறியீடு.
- உயிரி பாதுகாப்பு: உயிரி ஒருங்கிணைந்த தன்மையின் பெரியளவு இழப்பைத் தடுத்தல்.
- ELSI: 1990, மனித மரபணு தொகைத் திட்டம். GEAC: சூழலியல், வனங்கள் காலநிலை மாற்ற அமைச்சகம்.
மைல் கற்கள்
ஹேபர்லேண்ட் 1902; P.R. ஒயிட் 1934; F.C. ஸ்டீவர்ட் 1948 இளநீர்; மோரல், மார்டின் 1952, 1955; முராஷிகி, ஸ்கூஜ் 1962; குஹா, மகேஸ்வரி 1964 Datura மகரந்தப் பை; டாக்கேபெ 1971; கார்ல்சன் 1971; மெல்சர் 1978 போமாட்டோ; ஹார்ஸ் 1984.