TN Online Testசமச்சீர் கல்விப் பயிற்சி

12ஆம் வகுப்பு உயிரியல் – விலங்கியல் மார்ச் 2025: விடையுடன் கூடிய வினாக்கள்

8 வினாக்கள் 35 மதிப்பெண்கள் 180 நிமிடங்கள் வினாத்தாள் குறியீடு 8327
இந்தப் பாடத்தைப் பகிரவும்: Telegram

மார்ச் 2025 12ஆம் வகுப்பு உயிரியல் – விலங்கியல் பொதுத் தேர்வின் 8 ஒரு மதிப்பெண் வினாக்கள், வினாத்தாள் வரிசையில், சரியான விடை குறிக்கப்பட்டு சுருக்கமான விளக்கத்துடன்.

விடைக் குறிப்பு — ஒரே பார்வையில்

ஆன்லைன் தேர்வு எழுது → 📄 முழு வினாத்தாள் + PDF
Q1
பாலிமரேஸ் சங்கிலி வினை, வெப்பநிலை மாறுபாட்டால் மூன்று தனித்தனி நிலைகளில் தொடர்கின்றது. அதன் வரிசை :
  • A. முதன்மை இணைப்பு இழை பதப்படுத்துதல், உற்பத்தி, இயல்பு திரிபு
  • B. இயல்பு திரிபு, முதன்மை இணைப்பு இழை பதப்படுத்துதல், உற்பத்திசரி
  • C. இயல்பு திரிபு, உற்பத்தி, முதன்மை இணைப்பு இழை பதப்படுத்துதல்
  • D. உற்பத்தி, முதன்மை இணைப்பு இழை பதப்படுத்துதல், இயல்பு திரிபு
விளக்கம். PCR-ல் முதலில் DNA சுமார் 95 °C-ல் இயல்பு திரிபு அடைகிறது; பின் குளிர்விக்கப்படும்போது முதன்மை இணைப்பு இழைகள் இணைகின்றன; பின்னர் சுமார் 75 °C-ல் Taq DNA பாலிமரேஸ் புதிய இழையை உற்பத்தி செய்கிறது.
Q2
எவ்வகை இனப்பெருக்கத்தில் வேறுபாடுகள் தோன்றும் ?
  • A. பாலிலி இனப்பெருக்கம்
  • B. கன்னி இனப்பெருக்கம்
  • C. பாலினப்பெருக்கம்சரி
  • D. (அ) மற்றும் (ஆ) இரண்டும்
விளக்கம். பாலினப்பெருக்கத்தில் குன்றல் பகுப்பும் இரு பெற்றோரின் கேமீட்டுகள் இணைவதும் நடைபெறுவதால் வேறுபாடுகள் தோன்றுகின்றன. பாலிலி இனப்பெருக்கம் மற்றும் கன்னி இனப்பெருக்கத்தில் மரபு வேறுபாடுகள் இல்லை.
Q3
ஒரு செல்லில் உள்ள பார் உறுப்புகளின் எண்ணிக்கையை கணக்கிட பயன்படும் விதி :
  • A. N - 1 விதிசரி
  • B. ஆலெனின் விதி
  • C. N + 1 விதி
  • D. ஜோர்டானின் விதி
விளக்கம். பார் உறுப்புகளின் எண்ணிக்கை N - 1 விதியைப் பின்பற்றுகிறது; இங்கு N என்பது செல்லில் உள்ள மொத்த X குரோமோசோம்களின் எண்ணிக்கை. எ.கா. இயல்பான பெண்ணில் (XX) ஒரு பார் உறுப்பு உள்ளது.
Q4
கொடுக்கப்பட்டுள்ள கூற்றுகளைப் படித்து சரியானதை தேர்வு செய்க.
கூற்று 1 : இரப்பரால் செய்யப்பட்ட திரைச் சவ்வுகள் கருப்பை வாய் மூடிகள் மற்றும் மறைப்புத் திரைகள் போன்றவை பெண் இனப்பெருக்கப் பாதையில் கருப்பை வாயினை கலவிக்கு முன் மூடப் பயன்படுகின்றன.
கூற்று 2 : மேற்கூறிய அனைத்தும் மீண்டும் பயன்படுத்தக்கூடிய வேதிப்பொருள் தடுப்புகள் ஆகும்.
  • A. கூற்று 1 சரி ஆனால் கூற்று 2 தவறு.சரி
  • B. கூற்றுகள் 1 மற்றும் 2 சரி. மேலும் கூற்று 2 கூற்று 1 -ற்கான சரியான விளக்கமாகும்.
  • C. கூற்றுகள் 1 மற்றும் 2 இரண்டுமே தவறானவை.
  • D. கூற்றுகள் 1 மற்றும் 2 சரி. ஆனால் கூற்று 2 கூற்று 1 -ற்கான சரியான விளக்கமில்லை.
விளக்கம். கூற்று 1 பாடநூல் விளக்கமே. ஆனால் திரைச் சவ்வுகள், கருப்பை வாய் மூடிகள், மறைப்புத் திரைகள் இரப்பரால் ஆன இயக்கமுறை (பௌதிகத்) தடுப்புகள்; வேதிப்பொருள் தடுப்புகள் அல்ல. நுரைக்கும் மாத்திரைகள், களிம்புகள், கிரீம்கள் போன்றவையே வேதிப்பொருள் தடுப்புகள். எனவே கூற்று 2 தவறு.
Q5
சாதகமான சுற்றுச்சூழலில் ஒரு உயிரினத்தின் அதிகபட்ச இனப்பெருக்கத்திறன் __________ என அழைக்கப்படுகிறது.
  • A. உயிரினத் திறன்சரி
  • B. தாங்கும் திறன்
  • C. திறனேற்றம்
  • D. சுற்றுச்சூழல் தடைகள்
விளக்கம். சாதகமான சூழலில் ஒரு உயிரினத்தின் அதிகபட்ச இனப்பெருக்கத் திறன் உயிரினத் திறன் (r) எனப்படும். அதைத் தடுக்கும் கட்டுப்படுத்தும் காரணிகளின் மொத்தமே சுற்றுச்சூழல் தடைகள்.
Q6
மெசல்சன் மற்றும் ஸ்டால் சோதனை நிரூபிப்பது :
  • A. டி.என்.ஏ ஒரு மரபுப்பொருள்
  • B. கடத்துகை மாற்றம்
  • C. பாதி பழையன காத்தல் முறை DNA இரட்டிப்பாதல்சரி
  • D. தோற்ற மாற்றம்
விளக்கம். மெசல்சன் மற்றும் ஸ்டால் (1958) கனமான நைட்ரஜன் (N15) கொண்டு E. coli-ஐ வளர்த்து, DNA பாதி பழையன காத்தல் முறையில் இரட்டிப்படைகிறது என்பதைச் சோதனை மூலம் நிரூபித்தனர்.
Q7
கீழ்க்கண்டவற்றுள் எந்த நுண்ணுயிரி தொழிற்சாலைகளில் சிட்ரிக் அமில உற்பத்திக்கு பயன்படுகிறது ?
  • A. அஸ்பர்ஜில்லஸ் நைஜர்சரி
  • B. லாக்டோபேசில்லஸ் பல்காரிகஸ்
  • C. ரைசோபஸ் நைக்ரிகன்ஸ்
  • D. பெனிசிலியம் சிற்றினம்
விளக்கம். அஸ்பர்ஜில்லஸ் நைஜர் என்ற பூஞ்சை தொழிற்சாலைகளில் சிட்ரிக் அமில உற்பத்திக்குப் பயன்படுகிறது; அசிட்டோபாக்டர் அசிட்டை அசிட்டிக் அமிலத்தையும், ரைசோபஸ் ஒரைசே ஃபியூமரிக் அமிலத்தையும் உற்பத்தி செய்கின்றன.
Q8
கூற்று : விந்து செல்லின் தலைப்பகுதியில் அக்ரோசோம் மற்றும் மைட்டோகாண்ட்ரியாவைக் கொண்டிருக்கிறது.
காரணம் : அக்ரோசோம் திருகு வடிவிலமைந்த மைட்டோகாண்டிரியங்களைக் கொண்டுள்ளது.
  • A. கூற்று சரியானது ஆனால், காரணம் தவறானது
  • B. கூற்று மற்றும் காரணம் இரண்டும் சரி காரணம் கூற்றின் சரியான விளக்கம் ஆகும்
  • C. கூற்று மற்றும் காரணம் இரண்டும் தவறானவைசரி
  • D. கூற்று மற்றும் காரணம் இரண்டும் சரியானவை ஆனால் காரணம் கூற்றின் சரியான விளக்கம் இல்லை
விளக்கம். விந்து செல்லின் தலைப்பகுதி அக்ரோசோம் மற்றும் உட்கரு ஆகியவற்றைக் கொண்டது. மைட்டோகாண்ட்ரியாக்கள் நடுப்பகுதியில் அச்சு இழையைச் சுற்றித் திருகு வடிவில் (மைட்டோகாண்ட்ரியச் சுருள்) அமைந்துள்ளன; அக்ரோசோமில் அல்ல. எனவே கூற்று, காரணம் இரண்டும் தவறு.
ஆன்லைன் தேர்வு எழுது → அனைத்து முந்தைய ஆண்டு வினாத்தாள்கள்

இந்த வினாத்தாள் பற்றி

இவை தமிழ்நாடு அரசுத் தேர்வுகள் இயக்ககம் நடத்திய மார்ச் 2025 12ஆம் வகுப்பு உயிரியல் – விலங்கியல் பொதுத் தேர்வின் பகுதி I ஒரு மதிப்பெண் பலவுள் தெரிவு வினாக்கள். விடைகளும் விளக்கங்களும் மீள்பார்வைக்காக TN Online Test ஆல் தயாரிக்கப்பட்டவை. ஒவ்வொரு வினாவும் அது இடம்பெற்ற பாடநூல் அத்தியாயத்துடன் இணைக்கப்பட்டுள்ளதால், அந்த அத்தியாயத்தின் குறிப்புகள் மற்றும் வினாக்களுக்குத் திரும்பிச் செல்லலாம்.

பிற ஆண்டுகள்

2026 · துணைத் தேர்வு ஜூன் 2026 2026 · மார்ச் 2026 2025 · துணைத் தேர்வு ஜூன் 2025 2024 · துணைத் தேர்வு ஜூன் 2024 2024 · மார்ச் 2024 2023 · துணைத் தேர்வு ஜூன் 2023 2023 · மார்ச் 2023 2022 · துணைத் தேர்வு ஜூலை 2022 2022 · மே 2022 2021 · துணைத் தேர்வு 2021 2020 · மார்ச் 2020 2020 · துணைத் தேர்வு செப்டம்பர் 2020