இரண்டாம் உலகப்போரும் காலனிய நாடுகளில் அதன் தாக்கமும் - பாடக் குறிப்புகள்

பாடச் சுருக்கம்

முதல் உலகப்போருக்குப் பின் கூட்டுப் பாதுகாப்பை முன்னிறுத்தி உருவாக்கப்பட்ட பன்னாட்டு அமைப்பு 1939 செப்டம்பரில் தகர்ந்தது. ஜப்பானின் பங்கால் 1939-45 போர் 1914-18 போரைவிட விஞ்சிய உலகப்போராக இருந்தது; உயிரிழப்பும் சேதமும் மிக அதிகம். போருக்குப் பின் காலனி நாடுகளில் தேசியவாதக் கிளர்ச்சிகள் சூடுபிடித்து, ஆசியாவிலும் ஆப்பிரிக்காவிலும் காலனியாதிக்க நீக்கம் தொடங்கியது.

இரண்டாம் உலகப்போருக்கான காரணங்கள்

• அமைதி உடன்படிக்கையின் நியாயமற்ற தன்மை: ஜெர்மனி காலனிகளை இழந்தது; அல்சேஸ், லொரைன் பிரான்சுக்கும், சைலேசியா போலந்துக்கும் சென்றன; 6,600 மில்லியன் பவுண்டுகள் போர் இழப்பீடு. டால்மேஷியா இழப்பால் இத்தாலியும் பாதிக்கப்பட்டது.
• பன்னாட்டு சங்கத்தின் தோல்வி: லோக்கர்னோ (1925), கெல்லாக்-பிரையாண்ட் ஒப்பந்தம் (1928) நடைமுறைப்படுத்தப்படவில்லை. 1933இல் ஜெனீவா ஆயுதக்குறைப்பு மாநாட்டிலிருந்தும் சங்கத்திலிருந்தும் ஜெர்மனி விலகியது. மார்ச் 1935 கட்டாய இராணுவ சேவை அறிவிப்பே வெர்செய்ல்ஸ் ஒப்பந்தத்தின் முதல் மீறல். 1935இல் இத்தாலி எத்தியோப்பியா மீது படையெடுத்தது; ஹேல் செலாசியின் முறையீடு பயனளிக்கவில்லை.
• 1930களின் பொருளாதாரப் பெருமந்தம்: அதிக இறக்குமதி வரி, விரிவாக்கக் கொள்கை; 1931இல் ஜப்பான் மஞ்சூரியாவை ஆக்கிரமித்தது.
• ஜெர்மானிய பெரு வியாபாரிகள்: ஐரோப்பியக் கண்டத்தின் பெரும் தொழிற்தேசமான ஜெர்மனிக்குக் காலனிகள் இல்லை.
• முசோலினி, ஜப்பான்: எத்தியோப்பியப் படையெடுப்பு ரோம்-பெர்லின் அச்சுக்கு வழிவகுத்தது; 1936க்குப் பின் இராணுவ ஆட்சியிலிருந்த ஜப்பான் தென்கிழக்கு ஆசியக் காலனிகள் மீது கண் வைத்தது.

போருக்கு வழிவகுத்த ஹிட்லரின் நடவடிக்கைகள்

போரின் பல்வேறு நிலைகள்

• இரண்டே வாரங்களில் போலந்து வீழ்ந்தது; 1940 ஏப்ரலில் நார்வே; 1940 மே 10 முதல் பிலிட்ஸ்க்ரீக் தாக்குதல்.
• டங்கிர்க் வெளியேற்றம் (1940 மே-ஜூன்): ஏறக்குறைய 198,000 பிரிட்டிஷ், 140,000 நேச நாட்டுத் துருப்புகள்; டி காலின் சுதந்திர பிரெஞ்சுப் படை.
• பிலிட்ஸ் நடவடிக்கை, பிரிட்டன் போர் (1940 ஜூலை-அக்டோபர்): ராடார், ஸ்பிட்ஃபயர், ஹரிக்கேன் விமானங்கள்; ஹிட்லரின் முதல் தோல்வி.
• 1941 ஜூன் 22இல் சோவியத் மீது படையெடுப்பு; அறுபது லட்சம் யூதர்கள் இனப்படுகொலை (Holocaust).
• 1941 டிசம்பர் 7 பேர்ல் துறைமுகத் தாக்குதல்; அமெரிக்கா போரில் நுழைந்தது; கடன்-குத்தகை முறை; 1942 ஆகஸ்டில் மெக் ஆர்தர்.
• மிட்வே (1942 ஜூன் 4-7), குவாடல்கனல் (1942 ஆகஸ்ட் 7 - 1943 பிப்ரவரி 9).
• ஸ்டாலின்கிராட்: ஹிட்லர் பின்வாங்க மறுத்தார்; 1942 சோவியத் பதிலடி போரின் போக்கை மாற்றியது.
• எல் அலாமின்: ஜெர்மனியின் முதல் பின்னடைவு; மே 1943இல் சரணடைவு. படோக்லியோ அரசு 1943 செப்டம்பர் 3இல் சரணடைந்தது.
• காசாபிளாங்கா, டெஹ்ரான் மாநாடுகள் (1943); ஐசன்ஹோவர் உச்சதளபதி; 1944 ஆகஸ்ட் 25 பாரிஸ் விடுவிப்பு; 1945 பிப்ரவரி 13-15 ட்ரெஸ்டன் குண்டுவீச்சு.
• ஹிட்லர் தற்கொலை; மே 2இல் பெர்லின் வீழ்ச்சி. ஹிரோஷிமா (ஆகஸ்ட் 6), நாகசாகி (ஆகஸ்ட் 9) அணுகுண்டுகளுடன் போர் முடிந்தது.

அமைதியை நிலைநிறுத்தலும் போரின் முடிவுகளும்

• அட்லாண்டிக் பட்டயம் (ரூஸ்வெல்ட், சர்ச்சில்): மக்களின் ஒப்புதல் இன்றி பிரதேச மாற்றம் கூடாது, அரசைத் தேர்ந்தெடுக்கும் உரிமை, வணிகத்தில் சமத்துவம், தடையில்லாக் கடல் பயணம், ஆக்கிரமிப்பு நாடுகளின் ஆயுதக்குறைப்பு.
• போட்ஸ்டாம்: ஐந்து பெரும் சக்திகளின் வெளியுறவுத்துறை அமைச்சர்களின் குழு; கிழக்கு பிரஷ்யா பிரிவினை, டான்சிக் போலந்துக்கு, ஜெர்மனி நான்கு மண்டலங்கள்.
• அமைதி மாநாடு, 1946: பாரிஸ் லக்ஸம்பர்க் அரண்மனையில் 21 நாடுகளின் 1500 பிரதிநிதிகள். 1954இல் ட்ரீஸ்டி A, B மண்டலங்களாகப் பிரிப்பு.
• கெய்ரோ (நவம்பர் 1943), யால்டா (பிப்ரவரி 1945): ஜப்பானியப் பேரரசின் எதிர்காலம்; ஐக்கிய நாட்டு சபை, பிரெட்டன் வுட்ஸ் அமைப்பு.
• முடிவுகள்: ஏறக்குறைய 6 கோடி பேர் இறப்பு; அமெரிக்கா, சோவியத் ரஷ்யா ஆதிக்க சக்திகள்; ருமேனியா, யுகோஸ்லோவியா, பல்கேரியா, இத்தாலியில் முடியாட்சி ஒழிப்பு; பிரிட்டனில் பொதுநல அரசு; பிரான்ஸ், இத்தாலியில் பெண்களுக்கு வாக்குரிமை; 1954இல் இந்தோ-சீனாவிலிருந்து பிரெஞ்சுப் படைகள் வெளியேற்றம்; 1956 சூயஸ் முயற்சி தோல்வி.

சீனப் புரட்சி 1949

• 1650 முதல் மஞ்சு வம்சத்தின் நேர்மையற்ற ஆட்சி; மாண்டரின்கள்; வறுமையில் விவசாயிகள்.
• தைபிங் கிளர்ச்சி (1850-1864): ஹங் ஷியு-சுவான் தலைமை; மேஜர் கோர்டன் தலைமையிலான படைகளால் ஒடுக்கப்பட்டது.
• அபினிப் போர்கள்: 1842 நான்கிங் உடன்படிக்கை - ஹாங்காங் பிரிட்டனுக்கு; ஆரோ கப்பல் நிகழ்வு; 1860 பெய்ஜிங் ஒப்பந்தம்.
• பாக்ஸர் கிளர்ச்சி (1899-1901): ஈஹிகுவான் என்ற இரகசிய சங்கம்; 1901 செப்டம்பர் 7 பாக்ஸர் முதன்மை குறிப்பேடு.
• 1911 அக்டோபர் வூச்சங் கலகம்; சன் யாட்-சென் தற்காலிக குடியரசுத் தலைவர்; 1912 பிப்ரவரி 12 பதவிதுறத்தலுக்கான அரசாணை; யுவான் ஷி-காயின் சர்வாதிகாரம்.
• சன் யாட்-சென்: 1905இல் டோக்கியோவில் உருவாக்கிய கட்சி கோமின்டாங் ஆனது; தேசியவாதம், ஜனநாயகம், சோஷலிசம் என்ற மூன்று சித்தாந்தங்கள்.
• 1918இல் பீகிங் பல்கலைக்கழகத்தில் மார்க்சியம் படிக்கும் சங்கம்; பரோடின் கோமின்டாங்கை மறுசீரமைத்தார்; வம்போவா இராணுவக்கழகம் - சியாங் கே-ஷேக்.
• சியாங் பொதுவுடைமைவாதிகளை வெளியேற்றி 1928இல் பீகிங்கைக் கைப்பற்றினார். மாவோவின் நீண்ட பயணம் (1934-35): 1,00,000 பேரில் 20,000 பேரே ஷேன்ஸியை அடைந்தனர்.
• 1945க்குப் பின் ஜார்ஜ் மார்ஷலின் போர்நிறுத்த முயற்சிகள் தோல்வி; சியாங் தைவானுக்குத் தப்பினார்; 1949இல் சீன மக்கள் குடியரசு.

இந்தோனேஷியா

• 1640 முதல் ஜாவா, சுமத்ராவில் டச்சு ஆட்சி; தோட்டங்கள், எண்ணெய் (1900).
• போய்டி ஓடோமா (1908); சரேகத் இஸ்லாம் (1916 சுயாட்சித் தீர்மானம்); இந்தோனேஷிய பொதுவுடைமைக் கட்சி (1919); வோக்ஸ்ராட் (1918).
• சுகர்னோவின் இந்தோனேஷிய தேசிய கட்சி; 1931 சோதனை. 1942 மார்ச் முதல் ஜப்பானிய ஆக்கிரமிப்பு.
• டச்சு-இந்தோனேஷிய ஒப்பந்தம்; தி ஹேக் வட்டமேசை மாநாடு; 1949 டிசம்பரில் விடுதலை.

பிலிப்பைன்ஸ்

• 1565 லெகாஸ்பியின் வருகை முதல் ஸ்பானிய ஆட்சி; கவைட் கிளர்ச்சி (1872 ஜனவரி 20); மூன்று குருமார்கள் தூக்கிலிடப்பட்டனர்.
• கியூபா தொடர்பான ஸ்பானிய-அமெரிக்கப் போர் (1898); பாரிஸ் ஒப்பந்தம் (1898 டிசம்பர் 10); 1901இல் கைதாகும் வரை அகுயினால்டோ முதல் குடியரசுத் தலைவர்.
• அமெரிக்க ஆட்சி (1902): ஆங்கில வழிக் கல்வி, குடிமைப்பணி, தேர்ந்தெடுக்கப்பட்ட தேசிய அவை. குவிசோனின் தேசியவாத கட்சி; PKP (1930).
• டைடிங்ஸ்-மெக்டஃபி சட்டம் (1934): பத்தாண்டுகளில் அதிகார மாற்றம்; குவிசோன் 1935-1941 குடியரசுத் தலைவர்; ஜப்பானிய ஆக்கிரமிப்பு; ஹக் கிளர்ச்சி.
• 1946 ஜூலை 4இல் விடுதலை; 1954இல் SEATO உறுப்பினர்.