தொழில் முனைவுக்கான அடிப்படைக்கூறுகள் - பாடக் குறிப்புகள்

23.01 தொழில் முனைவு: பொருள், கருத்து மற்றும் இலக்கணம்

• தொழில் முனைவு என்பது ஒரு புதிய தொழில் வினையை மேற்கொள்வதைக் குறிக்கும்; ஊதியம் நாடி பணி செய்வதைக் குறிக்காது. இது ஒரு அமைப்பைத் தோற்றுவிப்பதில் முடியும் செயல்.
• நிலம், உழைப்பு, மூலதனம் ஆகியவற்றுடன் தொழில் முனைவும் ஒரு முக்கிய உற்பத்திக் காரணி.
• மக்கள் வேலை தேடுபவர்களாக அல்லாமல் வேலை கொடுப்பவர்களாக உருவாக வேண்டும்.

தொழில் முனைவோர் - கருத்து

• தொழில் முனைவு என்பது பிரஞ்சு மொழிச் சொல்; இன்னிசை கச்சேரி போன்ற கேளிக்கை நிகழ்வுகளை நடத்துபவரைக் குறித்தது.
• ஆக்ஸ்போர்டு அகராதி (1897) இன்னிசை கச்சேரி நடத்துபவரை செயல்முனைவோர் எனப் பொருள்படுத்தியது.
• பின்னர் 16 ஆம் நூற்றாண்டில் இராணுவத் தாக்குதல், 17 ஆம் நூற்றாண்டில் பொறியியல் கட்டுமானம், 18 ஆம் நூற்றாண்டில் பொருளாதாரத் துறை என விரிந்தது.

ஷூம்பீட்டரின் இலக்கணம்: பலரும் செய்யாத ஒரு செயலை மேற்கொள்ள முன்வருபவனே புதுமை படைப்பாளி; தொழில் முனைவோர் புதிய சேர்க்கையை கண்டறிபவர் அல்லது புதிய நிறுவனத்தை உருவாக்குபவர்.

23.02 தொழில் முனைவோரின் சிறப்பியல்புகள்

1. துணிகர உணர்வு: இடர்களை துணிவுடன் எதிர்கொள்ளுதல்.
2. தன்னம்பிக்கை: எதிர்மறை உணர்வுகள் மன உறுதியை குலைக்கக் கூடாது.
3. நெகிழ்வு தன்மை: மாறும் சூழ்நிலைக்கு ஏற்ப முடிவுகளை மாற்றுதல்.
4. புதுமை புகுத்தல்: புதிய பொருள், புதிய சந்தை, புதிய உற்பத்தி முறை.
5. வளத்தை திரட்டுபவர்: புலனாகக்கூடிய மற்றும் புலனாகாத உட்பொருட்களை ஒன்றிணைத்தல்.
6. கடின உழைப்பு: தலைவிதியின் மீது பழி போடாமல் உழைத்தல்.
7. தலைமைத்துவம்: முன்மாதிரியாகச் செயல்பட்டு ஊழியர்களை வழிநடத்துதல்.
8. தொலைநோக்கு பார்வை: எதிர்கால மாற்றங்களை முன்கூட்டியே சிந்தித்தல்.
9. பகுப்பாய்த் திறன்: விருப்பு வெறுப்பின்றி சீர்தூக்கி முடிவெடுத்தல்.
10. முடிவு எடுக்கும் திறன்: பொருள், நுட்பம், இடம், அளவு குறித்த சரியான முடிவுகள்.

23.03 தொழில் முனைவின் முக்கியத்துவம்

• புதுமை படைத்தல்: நாட்டின் உற்பத்தியையும் வருமானத்தையும் உயர்த்துகிறது.
• மொத்த பொருள் உற்பத்திக்கு பங்களித்தல்: அமெரிக்கா, ஜப்பான், ஜெர்மனி போன்ற நாடுகள் எடுத்துக்காட்டு.
• சீரான வட்டார வளர்ச்சி: பின்தங்கிய பகுதிகளில் தொழில் வளர்ச்சி; நகரங்களுக்கு இடம்பெயர்வது தவிர்க்கப்படுகிறது.
• ஏற்றுமதி முன்னேற்றம்: அந்நிய செலாவணி இருப்பு அதிகரித்து செலுத்து நிலை இருப்பு சீராகிறது.
• உள்ளார்ந்த வளப் பயன்பாடு, பொருளாதார சக்தி குவிதலை தவிர்த்தல், வாழ்க்கைத்தர உயர்ச்சி.

23.04 தொழில் முனைவோர், அகச்செயல் முனைவோர் மற்றும் மேலாளர் - ஒப்பீடு

அகச்செயல் முனைவோர் நிறுமத்தில் பணிபுரிந்துகொண்டே தொழில் முனைவோரைப் போன்று சிந்தித்துச் செயல்படுபவர்; நிறுமத்திற்குள் உள்ள செயல்முனைவோர்.

23.05 மகளிர் தொழில் முனைவோர்

• ஷூம்பீட்டரின் கருத்து: புதுமை படைக்கும் அல்லது ஏற்கனவே உள்ளதை முன்மாதிரியாகக் கொள்ளும் மகளிர்.
• இந்திய அரசு: மூலதனத்தில் குறைந்தபட்சம் 51 விழுக்காடு உரிமையும், பணியில் 51 விழுக்காடு வேலைவாய்ப்பும் மகளிருக்கு.

வாய்ப்புகள்

1. தொழில் அடிப்படையில்: உற்பத்தி, சேவை, வணிகம், பெரிய தொழில்.
2. நிதி திரட்டும் வாய்ப்புகள்: வங்கிகளின் நுண் சிறு கடன்கள்.
3. நிதிசாரா ஆதரவு: ஆலோசனை, குறைந்த வட்டி, பிணையமற்ற கடன், நெகிழ்வான திருப்பிச் செலுத்துதல்.
4. சங்கங்கள்: SIDO, NABARD, SEWA, AWAKE போன்றவை; கடன் பொறுப்பு திட்டத்தில் 80 விழுக்காடு பொறுப்புறுதி.
5. அரசுத் திட்டங்கள்: Stand Up இந்தியா, TREAD, மகிள கயறு திட்டம், மகளிர் உதவி திட்டம், முத்ரா யோஜனா, யுத்யோகினி போன்றவை.
6. பயிற்சித் திட்டங்கள்: STEP, DWCRA, மாவட்ட தொழில் மையம் போன்றவை.
7. CWEI: 1996 இல் சங்கமாகப் பதிவு; இலாப நோக்கமற்றது; MSME அமைச்சகத்தின் தேசிய வாரிய உறுப்பினர்.

சவால்கள்

நிதிப்பிரச்சனை, இயக்கத்தடை, கல்வியறிவு இன்மை, ஆதரவு இன்மை, கடும்போட்டி, உணர்ச்சி வயப்படல், போதிய விவரமின்மை, சார்ந்து வாழும் கலாச்சாரம்.

23.06 தொழில் முனைவோரின் பணிகள்

• சந்தை கலவை: பொருள், விலை, விற்பனை பெருக்கம், பருப்பொருள் விநியோகம்; சேவைக்கு மக்கள், செயல்முறை, உணர்வு முறை.
• கணக்கியல்: இலாப நட்டக் கணக்கு, இருப்புநிலை குறிப்பு, ரொக்க மற்றும் நிதி ஓட்ட அறிக்கைகள்.